نزلت بحر الغرام 
خايفه كده شويه
فاردة جدايل دهب 
عايمه علي الميه 
شافني حسان الحور
قالوا دي جنيه 
رد الحبيب وقال
دي والله انسيه 
جمعت زهور الحب
لقلبي وعنيه
هي الغرام والشوق
بوريدي مداريه
دي حبيبتي ياسمينه
نبض الحياه فيّا
فرح قلبي بكلامه
لمعت كدا عنيه
هو الغرام والشوق
هو الهنا ليّا 
ياسعد عمري بغرامه 
و الفرحه اهى جايه
حبيت حياتي معاه
والعمر ليه هديه
أهديه ومش خايفه
من لوم ولا أسيه 
دا القلب حب وداب
و العمر ليه شويه