انا اللي بستخبي
من الايام 
وبقول ياحيط 
داريني
بكمل عشايا نوم
عشان تعدي
باقي سنيني
اصلها مسخت
اوي الحياه
وبقي طولها
زي عرضها
لما علي واطيها
علي عاليها
وبقي كدبها
زي صدقها
وبقي الفاجر
جدع
وبقي الجدع
مغلوب علي أمره
وناس بتاكل
في بعضها
وناس واقفه تتفرج
اعرف انك في زمن
كله فيه بيهرج
كل المشاعر متلونه
حتي القلوب
بقت سوده
متعرفش 
مين بيحبك
ومين عينيه 
ليك حسوده
وبندور علي توبه
كل الكلام معسول
ولسان فيه السم
لو قلت ليه ازيك
بقولك بم
الناس علي النواصي
بتتعارك وتنزف دم
كانت زمان النواصي
نضيفه ياعم
وكانت القلوب بيضه 
بلون الحياه
دلوقتي كله نازل 
ضرب وسب
صنف تاني 
من البني ادمين
صنف أارقي
من المخلوق
من طين
ولما تكلمه 
تحس انهم مغيبين
من شرب الهم 
ولا من شيل الطين
ياطين قولي سرك ايه
انت طبعك كده
 ولا ده طبع البني أدمين