قصه حبنا / بدأت جوار شجره
مابين ضحكه / ولمسه ايد مع نظره
وأطياف الربيع / تنثر قلوب خضره
على الشجره / كتبنا حروف اسامينا
بعطر الورد / مع ورده وياسمينا
طيور الحب / تتراقص حوالينا
تفوت ايام / وراء ايام
وييجى خريف / ويصبح الشجر اوهام
وكل امالنا تتبخر / ويصبح همسنا فى خصام
وحتى حروفنا اتمسحت / ومن جذر الشجر ضاعت
ويبكى الليل مع نجومه / على قلوب للهوا باعت
كأن الحب فى قلوبنا / كشجره غصونها ذبلانه
كأن ثوبه مش ثوبنا / فى دنيا قاسيه خوانه
وداع ياشجره الاحزان / والف وداع لجبروتك
كأن الموت بين الاغصان / بيترنح على صوتك
ويوم هدمك هاكون فرحان / ويوم سعدى لما اشوف موتك