ااااه ياعرب ااااه
داريت مشاعرى/ وسط غضبى
كنت زمان / فخور بنسبى
امشى ف امان / لاانى عربى
كل الاجانب / واثقين فى ادبى
أعرف حقوقى / وأسجد لربى
بعض العرب / تركوا الميدان
نهشوا الوطن / مثل الديدان
الغرب غير عقلهم / وكأن فى التخريب أمان
قتلوا البراءه بحقدهم / اااه ياعرب اخر زمان
رؤسائنا عاشوا فى عزهم / مابين ملك ورئيس جبان
قلبى حزين م اللى جرى / وف قلبى ميت مليون سبب
من كل ظالم افترى / حتى الطفوله بتنضرب
مين اللى باع ومين اشترى / اوطاننا والله بتتنهب
بالله كفانا مسخره / وانا برئ من العرب
لما العربى يكون ارهابى / ولما الاخ بيقتل اخوه
انا فى العلم حرقت كتابى / حتى العلم كمان حرقوه
ولما زعيمى مايهمه عذابى / حتى الوطن الغالى قتلوه
دى وجهت نظرى ودى اسبابى / ملوك / رؤساء / للوعد خانوه
معاك يازعيم انا هاخلف دربى / واصرخ اصرخ انا مش عربى