أمي... ماتت
لسه حاسس 
لسه عارف 
امي....... ماتت 
خايفه 
تنطقها 
الشفايف
لسه فاكر 
انها ماتت
لسه صاحي 
ع الخبر 
بعد غيبه 
لسه راجع م السفر
يعني ايه 
امي ماتت
يعني ماتت النصيحه 
بعدها يفضلي ايه 
هي تبقي دي
برضه عيشه 
موتها يعني
همي اشيلو وحدي 
وشيلتي تفضل
فوق كتافي 
موتها
يعني ادور ع الحنان
ومالقيش بعد ها
ولاحضن دافي 
موتها يعني 
هو موتي
ملعون أبو مليون 
قصيده توصف 
سكوتي 
ولو كلامي مش هينعيها 
دا عقيم ومش كلامي
طب هي ماتت
دا انا 
لسه شايف نورها
في المكان 
لسه سامع صوتها 
في وداني
لكن مرار البعد 
انا لسه حاسه في لساني
طب لو هي ماتت
ليه ما جاتنيش
ولا مره
في منامي 
اه ع الوجع من
مر بعدك والغياب
هو دا اليوم 
اللي عمري 
محسبتلوش 
ابدا حساب
هو دا الحزن اللي
لو كتبتو ميكفهوش 
 مليون كتاب
اه ع الليالي 
الجميله اللي 
كانت امي فيها 
تبتسم وجواها 
الف دمعه بتداريها
والمرض عمرو
ما كان ابدا 
يبان عليها
امي كانت 
راضيه ديمآ
صابره ديمآ 
لكن حزنها 
انا الوحيد 
اللي كنت اشوفه 
في عينيها
وكنت خايف
لكن الغريب اني 
لسه عارف
انها. ماتت 
لكن رافضه 
تنطقها الشفايف
هو دا اللي كنت
ديمآ منه خايف 
الفراق 
والليالي مش راضيه 
تعدي 
ياذكريات العمر هدي 
والفكر فيا بعدها 
ياخد ويدي
أمي كانت ديمآ 
وسط احزاني 
ابتسامة 
موتها ساب جوايه 
ميت مليون علامه
ايدها سابت أيدي 
فجأه.... 
مع السلامه 
كل السنين اللي 
عشتها بعدك مش 
حياتي 
زي ما أكون عايش
ودي ايام وفاتي
لو تبتسم شفايفي 
الحزن عشش 
في حشايا 
انت فين 
مش عارف استطعم 
فطوري او عشايا
انتي فين 
ملت عيوني 
من بكايه 
انتي فين 
تعبت من بعدك 
كفايه
امي عكازي 
اللي كان بيشد 
ظهري 
امي في اشعاري
هي الهامي 
وهي بحري 
امي بين الناس
هي حياتي 
وهي فخري 
امي ليه من ربي 
أجمل هديه 
في ليالي الضلمه. بدر 
امي عصاري العيد 
دعوه صلا. ريحه جنان
امي ليله قدر 
لكن للأسف 
أجمل سنين العمر فاتت
أمي ياما ع الوجع
كانت بتصحي
وياما علي الهم باتت
واصحيت فجأه 
علي. الخبر. 
اصعب خبر 
 امي ماتت.