سجل بس معاك النمره
وحاول ترن عليا مره
هحكيلك إيه اللى حصل 
طب حتى رن وانا اتصل 
بس عشان خاطرى متنساش
أنا عندى دقايق ببلاش
إوعى تقولى وراك أشغالك 
 وحجتك راح ابطلهالك 
بحب احكيلك واكلمك 
سلامات والله يسلمك
وكيف أحوالك النهارده
الليله حر وللا بارده
عندك أكل فى التلاجه
أهو نحكى ف أى حاجه
أو كلمنى فى السياسه 
عارفاك متحبش الغلاسه 
قول وفضفض بس معايه 
أنا برتاح وانتا ويايه 
مكانش عاجبنى صوتك انبارح 
عماله اتكلم واتابيك سارح
بيريحنى كلامى معاك 
ودانى بتفرح لو سامعاك
فاكر أول مره عرفتك
لما قلت ألو وسألتك
وانا صاحيه والنوم فعنيه 
 الرقم دا رن عليه