حبيبتي .. مش كلمة حب باقولهالك .. واعيدههالك .. 
واصرخ بيها واناديكي 
ولا همسه بشوق .. باعتهالك .. ورسمالك ..
دنيا جميله ف عينيكي
حبيبتي .. دي مش كلمه .. ولا همسه 
دي حكايه .. عايشه جوايا .. لا ليها بدايه ولا نهايه 
ولا قادر أعيشها .. غير بيكي 
حكاية حب .. مالوش أخر .. وشوق هادر .. ومش قادر 
 يستنى .. يقابلك .. يلاقيكي
حبيبتي .. لا هي كلمه .. ولا همسه .. ولا حكايه 
دي دنيا .. كل آمالها .. واحلامها .. ف أيامها 
تلاقي مرسى ف اراضيكي 
دنيا بالأمل طارحه .. ومش جارحه .. وبالفرحه 
 بتضوي سماكي ف لياليكي
حبيبتي .. جايز .. تكون كلمه 
بس هاتلاقي .. كل دول فيها .. حسيها .. وعيشيها 
وسامحيني .. مالقتش غيرها ف الدنيا .. حاجه تانيه 
 أصرخ بيها .. واناديكي