يا حلاق الصحة إتنوّر----إوعى تشيل فيروس ف سرنجة
يومى تلفلف على متعوّر--—وياّك فوطة عاملها خرونجة
إنت تقسّم بسرنجاتك---------والميكروب يعزف بكمانجة
نلقاها منّك ولاّ من اللى----حطّ الكام ميكروب فى الرِنجة
******
صحصح دا الفيروس مستنّى----يدخل يلعب جوّه الكِبد
قاسى يغمّ الناس متهنّى--------ويطيح فيهم يهبد هَبد
ويلوّن أهالينا بصفرا---------أو بشحوب بيهدّك هدّ
إنت المسئول وانت الجانى---إيّاك تهرب ساعة الجدّ
******
لو كان لازم تدّى الحقنة---إعطيها بسرنجة جديدة
وتعقمّ إيدك ب سبرتو----واتصرّف بطريقة مفيدة
واعرف انّ لابدالحقنة --إستخدامها لمرة وحيدة
حافظ على صحتنا تلاقى
 كل الناس احوالها سعيدة