حكايتنا ويا الألم حكايه 
كل يوم نسمع روايه 
مره إرهابى خسيس 
ومره اتقلب أتوبيس 
مفيش غير الأرواح رخيص 
والهم بقى ساكن جوايه
مركب بتغرق نار بتحرق 
ناس لقوت الفقير بتسرق
حزن وألم ملوش نهايه 
الموت واقف فى إيدو بلطه
وكل مره سبب وغلطه
وحاجات بتحصل من ورايه
كل واحد بيدوس على غيره 
لاغى الضمير من خط سيره
حصد الأرواح أصبح هوايه 
غباء متفهم وللا سزاجه
يامصرى ناقصك تمللى حاجه
فى الغربه نضرب بيك المثل
وف بلدك مفيش منك أمل
متقوللى إيه وياك العمل 
دى حكايتك معانا بقت حكايه