إبنـى مصـنع إبنـى حضــانه
إبنـى دار للآيتــام
خلـى مصـر فأعلـى مكــانه
كفايه تمثيل كفايه آفلام
إحسبـها كويس وفكـر بعقلك
او حتى بلغــة الارقــام
نصنــع ف بلـــدنا ونصـــدر
ولا نستورد وناكـل ونام
نشغــل ولادنا علشـان يعيشـوا
ولا نسلمهم للمخـدرات والبرشام
هتفرح لما تشوف اليأس ف عيونهم
وهما قاعدين زى الآصنام
ولا وهما بيهجرو ويتجنسوا ،الدين
م قالش كـدا دا حتـى يبقى حـرام
إحسبـها كـويس وفكـر بعقـلك
أو حتى بلغة الارقام
هتلاقى مصر اللى بتحميك بشبابها
مش أمريكــا ولا فيتنام
هتلاقى مصر اللى فتحالك أبـوابهـا
مش الصين ولا امستردام
مصر اللى الكل بيعشـق ترابها
أرض التاريخ والآحـلام
مصـر النيــل مهـد الديانات
ارض الفراعنه والآهرام
أزرع فيهـا اصنـع ليهـا
مصـر غنيه والخير مليها
تعـالى نبعـــد عـن الزحــام
ومنـدفنش راسنــا فى التـراب
زى النعــــام ،
وبفلوسك وبمجـهودنا
وبعـــدل الســاده الحكــــام
هـ نعمرها وهـ نبنيها
هـ نزوقها وهـ نكسيها
وهـ تتعــدل وهـ تبقـى تمـام
مصر هـ تكبر بيا وبيك
مصر متعشمه فيا وفيك
مش هـ نبنيـها بهتـاف وكـلام
وتهلـيل وتضلـيل إعــــلام
مصر امانه بيـن إدينا
مصر الــوادى وسيـوه وسيـنا
مصر مش ورق وحبر وآقـلام
اصنـع عمر اوعى تدمر
مد ايديك يالا وشمـر
صدقـنى هـ تحـلى مـع الآيام
أوعى اليأس يطولك عافر
أوعى تسلم دا الجوع كافر
لو هـ نعيش فـى عشش وخيــام
والله ثبت انك شعـب خطـير
وعلـى تـراب بلـدك بتغـير
وتستحق ألف شهـاده وألف وسـام
يلا نبـدأ عصـر جـديد
يلا ياشعـب قـوى وعنيد
لجــل ولادنا يعيشـوا ف ســلام
ياكل مستثمر اديك فأدينا
ومـدورش هـ تكسـب كـام
لـو كانـت دامت لقـارون، مكنش
اتفضـل فيهـا لا ماس ولادهـب خام
