زى كل الناس با أمّى---نفسى اقولك {عام سعيد
يحتفل قلبى ودمّى--------واحلمك حلمى الوحيد
واهمسك زى الصبايا-------تحيى شريان الوريد
واحضنك تبقى دفايا-----ذكرى م الماضى البعيد
*******
زى كل الناس باأمّى------نفسى اطمّن فى نومى
وارتمى على صدرك انتى---ياحبيبتى ولو تلومى
ياما ناجيتك فى سهرى---واسألى قمرى ونجومى
ياما باهمس لك بدمعى-----اللى واسانى وهمومى
*******
عشت اخاف الشمس تطلع--أندهك ,مايرد صوتك
كنت اخاف يوم فرحى ياامّة--فرحى يتهد بسكوتك
حلم عمرى تكونى جنبى--حلم ضاع يا امّة بموتك
ربنا يرحمنى وانتى---------يبقى فى جناته قوتك
****
 أعتذر لكل يتيمة