بعد الشوك فيه ايه تانى
حرام تجرح ياساكن قلبى وكيانى
وليه أسرح مابين شوقى واحزانى
وانام واصبح على بعدك وحرمانى
وامتى افرح كان الفرحه نسيانى
مشيت ع الشوك ولااصرخ ولا اتالم
ومش هاشكى لو حتى الصخر يتكلم
اشوف طيفك واحلم بيك واتظلم
وانت تغيب على كيفك وقلبى للغرام سلم
واعود تانى على الاشواك وامشى لك بلاد وبلاد
تعذبنى وتدمينى وانا باهواك كأنى أسير بين الاصفاد
واقرب لك فى عز جفاك وقلبى رقيق بدون احقاد
حاولت كتيراغيب وانساك ونسيانك سراب ورماد
ليه ياحبيبى من قربك بتحرمنى وليه الدمع سال ع الخد
ولما اشكى تهجرنى /تخاصمنى/ وليه يذبل فى ايدى الورد
ياريت ترجع لاافراحى تقاسمنى ساعتها هاتبقى دنيانا بطعم الشهد