تستاهل اني 
أكتبلها اشعاري 
من يوم ما عرفتني 
واكتشفت فيا افكاري
ومن يوم ماجرحتني 
وداوتني 
وصحت فيا بركاني 
ومن يوم مقالتلي 
محدش يفهمك كدي
ومن يوم مانامت
مطمئنة علي يدي
صبحت أسير 
لاشعاري 
اكتب كلام لكن
مش كد احساسي
واعيش غريب 
وانا بين اهلي 
وبين ناسي 
م الاخر 
خدتني ومرجعتش 
وماتت هيه 
وماتت عني اخباري
وتستاهل اني
اكتبلها اشعاري
عايش 
لكن دنيا غير الدنيا
غريب فيها
بعيد عني 
لكن يعجبني مشواري
هي الوحيده اللي
فتشت فيا
ولبستني وقلعتني 
واتمرجحت بيا
ورامتني 
وهدمت كل اسواري 
وتستاهل اني 
اكتبلها اشعاري
حكت حكايتي
لكل أصحابها 
واتسلوا بيا 
وعاقبوني 
وجلدوني 
ورسموني 
أمير... مهزوم
وحاكموني
وانا لسه بهواها 
لاني عرفت في عينيها 
معاني الصبر
ومهما تغلبني امواجها 
انا بهوي ابحاري 
وتستاهل اني 
اكتبلها اشعاري 
وضيعت عمري 
وانا مبسوط 
وايه يعني لما
سنين العمر
مني تفوت
انا الكام لحظه
اللي بسرقها
في عينيها تكفيني 
ولما تنظرلي 
تلون أواخر سنيني
واموت ميت 
مره بعديها 
وقبل الموت
يموتني اشوف
الحيره في عينيها. 
اخبيها في احساسي
وبرسمها في افكاري
وتستاهل
اني اكتبلها اشعاري