بكره الشمس تطلع
ونودع الغمام 
والخير لنا يرجع 
 ويعم السلام
بلاش البصه العكره
إلبس نضاره بمبى 
شوف بها بكره
 وتعالى اقف جنبى
لسا ع الحلو دقه 
ونعدى م الأزمه 
زق معايه زقه 
 الخوف ملوش لزمه
ياعم يا ميسور 
إمسك إيد الغلبان 
بكره الضلمه تغور 
 ونقول عليك إنسان
مصر ياما عانت
ياما شافت أهوال 
لا اهتزت ولا خافت
 عشان فيها رجال
يا شعبنا العاقل
تعالى نستبشر 
نضحك ونتفائل 
 إيه اللى راح نخسر
سيبونا م اللى فات
بلاش بكى ونواح
دا الباقى بس ساعات
 وكل ليل لو صباح