مهما كان حكمك قاسى انا مسامحـك
حتى لـو طعنتينى ف قلبى  برمحـك
م انت اللى حضنك باقى لينا ويامااا
 نمنا على صدرك واكلنـا من طـرحك
يامـاااااااااا شـربنـا مـن نيـلك
واتربينا وكبرنا على سنابل  قمحـك
لكن هـاتى ودنك اقولك كلــمه سـر
تعالى  ياأمى اصارحك
برغم اننـا معشـناش يوم حلـو فيك
ولا دوقنــا  فرحـك
برغم اننا اتظلمـنا اكثـر من30 سنه
لكــن بنتمـنى نـداوى  جـرحـك
برغــم شقـــانا وغلبـنا ودنيــاا
مقفله فوشنـا،مخناش عيشك  وملحك
لكن شبابك اتغربوا واسيادك اتهربوا
وحيتانك عطلوا  مصـانعك ومصالحك
عارفـين انـك بقــالك 7 آلاف سنه
بتتسرقى ، مش محتـاجين  شـرحـك
نجـوع ماشـى نتنهـب ميجــراشى
لكـن توصــل ان المـريض  يصـرخ
والفقـير يستجــير ، يبقـى ولادك
معـاهم حق يتوهـوا فـى مـلامحـك
 حفظك الله يامصر وحفظ شعبك الطيب