مش بإيدى ياحبيتى أو بإيدك
حتى لو قلبى اللى حبّك يوم يريدك
لو يشاء ربّى تلاقى
بسمة الحب وحنانه فى وريدك
******
كنت باحلم بك جميع عمرى اللى فات
وردة فى بستان حياتى وذكريات
والعيون الله عليها
والإيدين تحيينى من بعد الممات
*****
واللى راح من عمرى قبلك وانتهى
نفسى اعيش ويّاك حتى المنتهى
وابتدا عطر الحياة يشغل فؤادى
والقى كل الدنيا حلوة مزهزهة
******
وابتدى صدّك يلاوعنى وسنينى
وابتدى دمعى يعاتبك فوق جبينى
لو فى قلبك حب ليّه قرّيى
لو زمان الحبّ ولّى اهجرينى