ليه نتحرم من بعضنا ليه كل واحد يمشى ف طريق
راح نجنى ايه من بعدنا وانت لقلبى اقرب رفيق
ليه نتحرم من سعدنا ليه يشتعل بيننا الحريق
ونجنى ليه على حبنا ده الحب لينا اجمل صديق
ليه
ليه البعاد؟ليه الخصام؟ ليه الفراق؟ ليه الطيور فى السما تبكى علينا
ليه العناد؟ والله حرام؟ ليه يكون بيننا شقاق ليه الزهور اليانعات ف لحظه تذبل بين ايدينا
فين الوداد والانسجام وفرحنا فى لحظه عناق ليه السروربلحظه ظلام ينطفى نوره ف عينينا 
ليه
الفرح فى العمر قليل والحزن ساكن قلبنا
ليل الفراق دايما طويل مابين اهاتنا ودمعنا
وانا قلبى ليه اصبح ذليل لحبيبه هجرت عشنا
أنساه ياقلبى ؟ده مستحيل ده هو شموعنا ووردنا
هو حبيبى مالوش بديل بكره يعود ومعاه هايكمل فرحنا