مابقاش غريب
انك تشوف الشمس
عَتمه مُضلمة
او تشوف الظلم
طارح م الخيال
مبقاش غريب
انك تعيش الفرحة
وهى مؤلمة
و الضحك
يبقى شئ مُحال
ومش غريب
انك تموت
من قبل حتى ماتتولد
وتكون خيال
ومش غريب
انك تعيش
العمر يومه مختصر
وتصبر خبر
مرسوم بدمك
فى الشوارع
وتتنسى
وبدون جدال
مابقاش غريب
انك تعيش
زى الغريب
ومش عجيب
انك تشوف
الحلم ده
صعب المنال
ومبقاش غريب
انك تكون
لعبة يحركها البشر
بين آيادى ملوثة
كدب وضلال
ومابقاش غريب
انك تسير ع الارض
تايها خطوتك والحمل فيك
يكتمك زى الجبال
مابقاش غريب
انك تتوه مابين
حوارى او طرق
ما تميز
جهة اليمين
او جهة الشمال
مابقاش غريب انك فى
عز الفرح تبكى دمعتك
زى النسا وزى العيال
مابقاش غريب
انك تشوف كل الاهانه
من طرح بذرة بعشوائية
او بالضلال
مابقاش غريب
انك تفارق الاحترام
مابين بشر متلونه
باعت شرفها بالاستكانة
وبدلت كل الحرام
بأمور حلال
مابقاش غريب
مابقاش غريب!!