كل ضحكة بتتسرق
من بين شفايفك
قلبي فيها بيتحرق
وبعيني شايفك
ولا قادر امسح دموعك
ولا قادرة تبكي عينيا
بخرج من بين ضلوعك
باْهات بتوجع فيا
صعبانة عليا
الحزن غير ملامحي
قلبي حضن جرحي
من كتر دمع عينيكي
غرقت شموع فرحي
حزنك تعبك بموتي
شجني المي سكوتي
واقف كتيف الايد
مخروس كمان صوتي
دا عشق ولا جنون
قولي لو حسة بيا
بحق رب الكون
شبعان زيك قسية
وصعبانة عليا
اكمني بحس بيكي 
اكتر مابحس نفسي
قلبي بياخدني ليكي
بحسك وانتي حسي
كاْني روح رايحة
لو انتي سيبتيها 
وعيونك الجارحة
مدبوح انا بيها
تعبت من حالي
ومن رعشة ايديا
لو عمرنا ليالي
اهي ماشية ومعدية
صعبانة عليا