عشان محكوم بصبرك
مغلوب على اْمرك
عمياك الشمس نار
محروم من قمرك
بحرك احزان وبرك
رافض يطول نظرك
يصعب عليك تختار
مابين سجنك وقبرك
-
رايح لفين يا عمر
قطر الحياه بيمر
نومك على قومك
وجع سقاه المر
كل القلوب بتضر
ولا في خبر بيسر
والذكرى في هدومك
خيوط ندم بتكر
-
مفروطة عناقيد اْحلامك
حتى شعرك وكلامك
حروف الامل غضبانة
رافضة تزور اْيامك
بتضحك على اْوهامك
مسروق منك غرامك
وعينيك خلاص شبعانة
دموع سنين ادامك
-
محكوم بصبرك يا قلبي
واللي شايفهم حبايبي
ديما سبب ْاْحزانك
ديما سبب تعبي
اْكيد الذنب ذنبي
قولها بلاش تخبي
مزروع في وجدانك
اْهات بتطرح غلبي