أنا شفت جدع حليوه
ماشي بيتغندر
سألت مين الجدع
قالوا من البندر
قلت أسألولي عينيه
دي شارده ب تدور
علي قلب تاه وياه
شايفو كما العنبر
**********
ردوا عليا وقالوا
دا جي علشانك
من يوم لمح رمشك
سناره راح شابك
قلبه في غرامك داب
دايب فدا كعابك
إرميله نظره رضا
ويكون لك أحبابك
قرب يجن جنونه
خايف يعيش سرابك
حِني وبلاش قسوة
ضميه في رحابك
**********
حطيت ع القلب إيدي
لقيته جوه ف وريدي
ساكن ومتربع
مستني يوم عيدي
تكمل سوا فرحتنا
قلبه يكون سِيدي
وندوب من الفرحه
تنهيده تنهيدي
بكره معاه أحلي
حتي إسألوا وريدي