طمنا عليك !!

والله انا مش مبسوط
في ايه مالك وايه اللي جرالك
في خانات اليأس انا فيها محطوط
وطب الأيام اخبارها معاك !!
محزماني ومكتفاني بخيوط
امال فين الاحبة وادورها !!
بيعشقوني بس ياسيدي بشروط
بينسوا مني الكلمه الحلوه 
وبيتفكروا ف يوم اني قسيت 
بيقولوا كلامي ف القلب بيجرح 
وان عمري عليهم حنيت
ولا بيفتكروا افعالي وخوفي عليهم
وحبي واهتمامي بيهم
واني بيهم من الدنيا استكفيت
بيذكروا اللي خان ثقتهم 
بحجه ان علي امره مغلوب
والطيب والي كان صادق
هو بس اللي مليان بعيوب
ياريت بجد متسألنيش
لأني كاره كلامي فى حكاويهم 
وندمت اني اخترت وحبيت
هو ده سبب وجعك !!
انا وجعي علي عشرة هانت 
وانتهت مع مرور الوقت
انا حزني اني سهرت ليالي
وعشقته كتير و بيه اتعلقت
انسى وتواه !!
الذكري المره مصحباني
والحب ده كياني وجداني
متصلب بعرووق شريااني
فمقدرش اتحمل انا الحرمان
طب ليه بتبكي !!
دى دموعي بتشرحلك حالي
بتلخص كل حكاوي زمااان
وانا مين اللي هيجاوب علي سؤالي
قلبي الطيب ليه بيتخان
اشمعنا اخلاصي وصدقي 
هو اللي ف حياه الناس دخان
ف كفاية تقلب في الماضي
وترجع من تاني الأحزان 
دنا الحزن اللي فقلبي اتجدد
اول ما جرحتني بسؤالك 
طمنا عليك