جارى التحميل
استخدم زر ESC أو رجوع للعودة
لما الدموع تنزل
علي اللي ما يستحق
لما تحس القلب فاجئه
انه اتسرق
لما تحس انك وحيد
وحواليك كتير
وحلم السنين تلاقية
في لحظة مات غرق
وقتها بتسجن اهاتك
جوه قلبك من سكات
واللي عشقته ودوبت فيه
بتعتبره كان عايش ومات
واللي كان .. كان يوم فرح
دلوقتي بقي حزن واهات
ويجي عليك اوقات كتير
كاره حياتك والسنين
عشان لقيت نفسك ضرير
وبقيت خلاص عايش حزين
مع انك انت في وحدتك
محتاج ولو لحظة حنين
اصل إحساس الخيانة
يشكك طول السنين
والمشكلة مش انك انت
هتتوجع حبة وخلاص
المشكلة بتفقد حاجات
وتبطل تصدق م الاساس
حتي لو كان اللي قال
صادق وقلبه دهب وماس
وغصب عنك
تبقي غرقان في الظنون
خايف تصدق
تتوجع من تاني يوم
وتفضل في حيره ملهاش نهاية
وسنين تعدي يوم في يوم
وتسمع كلام وتسمع ملام
ولا حد حاسس بالالام
ويقولوا ايه يعني حصل
اهو وقت عدا والسلام
وبينك وبين نفسك تقول
ايوا فعلا وقت عدا
الحزن ما عمره يطول
والجراح اهي بكره تهدا
بس الحقيقة اللي عايشها
بينك وبين قلبك مناهده
وتعيش في حاله من الذهول
جواك كلام ولمين تقول
وتتمني تنسي ذكرياتك
وتموت حاجات ملهاش اصول
وتقفل عليك 100 الف باب
مبقتش فارقة مين اللي غاب
اصل اللي كان يفرق معاك
خانك وباعك بالرخيص
اصله خسيس
مالقتش اوفي م الكلاب
واللي قال ان الخيانه بتتنسي
كداب
اصل عمره مشاف خيانه
ولا عمره كان داق العذاب
دا كلام وكتبة علي الورق
لا حب يوم ولا قلبة داب
اصل الوجع
مداري جوه في الضلوع
لا حد شايفه ولا حد حاسه
غير اللي قلبه من الغياب موجوع
ومن امتي كان بادينا نعرف
مين اصيل ولا خسيس
الا لما قلوب تضيع
وتنزل دموع
معروفه دايما
ان الا راح ملهوش رجوع
اصل الخيانه في حد ذاتها
وجعها بيكون سببه الخضوع
