على فكره متيجوا من بكره نحب الناس بلاش نكره منحزنشى .. منزعلشى حتى لو شفنا وشوش عكره مين اللى كان نايم صحا ومين اللى نام حتى الضحى مين اللى لسانو ما خانو ومقالش كلمه مقبحه إسم الله لسانو ماشاء الله ربنا يحميه قولوا انشاله زى المبرد يحمى ويبرد فالشغل يقول سيبها على الله لأ مش كسلان ولا عوطلى هيا طبيعتى كدا وجاتلى تصوتلى .. تعيطلى لو عندك غير كدا هاتلى ومتزعلشى وتحرق دمك لو يوم حسيت حد يخمك بطيئ الفهم يبيعلك وهم إضحك وامشى ولا يهمك أشكال فى الدنيا ونماذج فيهم البايت فيهم الطازج فيهم المحتال والمختال وفيهم الواعى والساذج
