قالوا الجواز سترة 
للبنت من وقت بعيد 
قلت طيب ومالو 
وايه ف كدا تنديد 
لأجل الأرض تتعمر
وتتباها بالمخاليق 
ويبقا عين الصح 
وأثرة علينا مفيد 
لكن للجواز شروط 
أبدآ عنها من نحيد 
لنحقق الهدف منه 
ولا تبقا العيشة نحيب 
قاصرات ياصحبي ياما 
بشوفها يجيلي تنهيد 
وتزرف دمعاتي مني 
وكأني مضروب بحديد 
ف الكوشة بشوفهم 
قصر أطفال لسه بيض 
لا لهم ف الجواز وسنينه 
ولا تقدر تفتح بيت 
لا عارفة ايه الصح 
ولا فاهمة كلمة شريك 
الكل بيقولوا ياعم 
دا جواز البنت عيد .. 
حياتنا قلبت غلط 
وكل يوم بتزيد 
لا فيه ضمير حي 
ولا فيه عقل رشيد 
محاكم مش ملاحقة 
دعاوى طلاق وتطليق 
احتار القاضي وقانونة 
أزاي يجيبوا الحقوق 
من حد رامي ال منه 
وسافر خارج الحدود 
وهلم جره ياصحبي 
لنعيد من جديد المفقود 
الغالب ضاع بعضه
والأعظم منفض أيد 
جيبه أشتكى منه 
للصخر وكل الطوب 
كلمة يارتني ماتنفع 
ال أدناها لديب 
ضحك ع الكل وفر 
وخله الشعر يشيب 
ياسلام علينا خلق 
لا سمع ولا مجيب 
ماشيين ضد النفس 
وبنستعجل الغيب 
يارب حوش ماتصب 
غضبك علينا ياوحيد