إسمحلى اقول عنك لعيب
وفاهم اللعبه قوى ودارسها
عرفت إزاى تكسب وتجيب
الكوره فى الشبكه وتدفسها
لعيب .. ومتدرب كمان 
نزل الملعب وقال سيبونى 
بعرف إمتى بجيب اجوان 
وإمتى بعمل كتف قانونى 
عدى الكوره من وسط الحيطه
خللا الدفاع زى المجنون
كانوا عاملين لفه وتحويطه
ولقوه فجأه فوسط الجون 
عارف كمان إمتى يباصى
وإمتى يفوت بالكوره لوحده
ساعة ميلاقى الخصم يصاصى
بيعرفو إنو مهش أده
بص على الملعب قدامه
دخل فى عمق قلوب الناس
شاط الشوطه جامده بأقدامه
هز الشبكه وأخد الكاس
سجل هدف .. لأ هدفين
فرح جماهير .. زعل أجلاف
عاقل .. وبيلاعب مجانين 
وعرف منين تؤكل لكتاف