هيمر كل اللى طعمو مر يمر ولو المرار بقى حنضل يمشى والحال هيتبدل وييجى بعدو غيرو يسر مهما يقسى الزمان هيفوت وييجى زمان مفهش ضغوط ولافيه دم ولافيه موت ولا ناس غاويه فينا تضر وكل جار يحب الجار ولا فى شجار ولا فى نقار ونسمع نشرة الأخبار تقول رسينا اهه على بر هتيجى ايام نرتاح وننام وننسى دموع وخوف وآلام وتتحقق فيها الأحلام ولا يبقى فيها كر وفر هيمر وتحلى كدا وتروق ونتعامل مع بعض بزوق وكل غفلان فينا يفوق ومحدش فينا يغوى الشر هيمر إمتى .. معرفشى خلينا معاه كدا نمشى كل اللى علينا منخافشى نزرع صحارينا قمح وبر ومحدش فينا بس يقر وكل اللى طعمو مر يمر هيمر
