ياما قولتلك بحبك وبهواك وانت مجافيني وظالمني معاك
وتهملني وتهمل مشاعري واشوف عنيك شرياني ومحيراني في هواك
ويصبرني الأمل في قربك ويغصب عليا قلبي أتحمل صدك وجفاك
ويصعب عليا منك ومن قسوة قلبك 
وانت حبيبي وبتمناك
ويحرم علي عيني النوم في ليالي بعدك
ياما جيت مشتاق ملهوف عليك تحن عليا بقربك
وتجيني يآحبيبي تهنيني ومن حنانك تسقيني
القاك تجافيني يانور عيني وتقابلني گإنك مش فاكرني وناسيني
وابص فعنيك القاها من كتر الفراق نسياني ومش فاكراني
واحتار في أمرك انا وقلبي واقول لعيني مش حاسس بيآ ونار حبه كوياني
ولما يعذبني حالي ارجع واقول تاني معلش نصيبي بكره يرجع ومعاه الأماني
واتعذب لوحدي ويزيد سهدي ووجدي وانت تتقل عليآ
وأقول بكره الشوق يجيبه ويعذبه لما يحس بيآ
واحكيله واشكيله من الليالي الطويله اللي عيشتها سهران افكر فيه
واعاتبه علي حبي ازاي أحبه الحب كله وهو مايقدر إحساسي بيه
ولما يندم علي حب الليالي اللي ضاعت منه ومني اروح لحضنه ابكي واسامحه
مش هلاقي حد تاني أحبه واخلصله واصون وده زي ماقلبي بيصون وده
ومهما قولت ومهما حكيت عن إخلاصي وحبي ليه مش هقدر أعبر
علشان حبه اللي ملكني وملك قلبي وفؤآدي يكفي العالم وأكتر
ما انت حبك يآحبيبي مش حب عادي حب له طعم تاني وعذابه له شكل تاني
يااهل الهوي اهل الهوي قالوا زمان الحب سلطان
وانا بقول الحب جنني وتوه عقلي وسهرني الليالي ومع الخيال دايماً هيمان
اتحدي اي عاشق حب زي ماحبيت حبيبي او يقدر لخيالي في الحب يوصل
يآريتك تِحَكِّمّْ قلبك وتفكر يآحبيبي وبلآش عليا تأسي وتتقل
وازاي اوصف حب وهوي خلآ الأحبه إحتاروا في أمره من كُتر الهنا
دانا كل ليله باطير انا وخيالي للحب واحبك كل يوم اكتر من إمبارح بالف سنه
ولما كنت اقول لقلبي يرحمني من عذاب حبك وِاقوله بشويش عليا
يقوللي يآعاشق ده إحساسك انت مش ذنبي أنا
حبيبي دآ إنت المني والأحلام وفرحة الأيام اللي جايه
وإن كان غرامي مايتوصف بين الحبايب والعشاق ازاي هقدر انساه أنا ثانيه
ده العذاب اللي عيشته بيني وبين نفسي في بعدك حير الأطبة يلاقولوا دوآ
ومهما گان من عذاب ولوعه مش هقدر انسي وهستني الأمل يآحبيبي يجمعنا سوآ
انت هنايا وفرحتي ومنايا في دنيتي وازاي تفوتني يآعمري عايش لوحدي في وحدتي
عايزني ارجع اعيش تاني أنا وخيالي من غير حبيب أحبه ويحبني ويمسح دمعتي
مقدرش استغني عنك وانت الأمل اللي هينسيني ألآمي وقسوة ايآمي
ولما جيتني جاتني فرحتي ونورتلي طريق حياتي وعيشتني احلامي
عارفك حبيبي وحنين ومايهون عليك تهجرني وتظلمني وتحرمني نورك وتطفي شمعتي
د انا لسه فاكر وعودك عن ودادك ووصالك وكل كلمة قالتهالي عينيك
وبقلبي قولتهالك
وكَدِبّْتْ فى هواك كل اللي قالوه عنك عُزالي وعزالك وحسادي وحسادك
ياريتني أقدر أوصف اشواق وحنين ليالي قربك وعذابي ولوعتي ساعات بعدك
مالقيتش حروف اكتبها كلام واقوله يقدر يوصف هوايا ويطفي نار الحب جوه قلبي
ده الحب والهوي والغرام قدر مكتوب علينا ومهما عانيت منه مش هقدر جوايه يوم أخبي حبي