ساعة العصريه
قابلتنى صبيه
ماشية بتتمختر
لا بسه الجلبيه
***
قلت : على فين ياصبية ؟
قالت :أسرح مع نفسى شوية
قلت : فين يا صبية .
قلت : اتمشى شوية على الزراعيه
***
قلت : يا ست هنادى
بياع بينادى
كتاكيت فيومى
وسيدى البيومى
خديهم يا الله
لطهور الغالى
***
نظرت بعنيها
قلت : الله عليها
الكحل زاين عنيها
قلت : انا بهية المصريه
قلت : يحميها ربى
من غدر الخاينين 
قالت: يحرسك ربى
يا ضى العين
***
قالت : أنا عاوزه حمام
رمز السلام
قلت : حمامك غيه
قالت : ابنى وأعمر بنيه
وأعلمه الملاغيه
وأسقيه حنيه
وحب لبهية المصريه
***
قلت :احلف بالله
هى أجمل ما فى الكون
قالت : مين هيه؟
قلت بتسألنى
يا ضى عنيه
قلت : يطمن قلبى
قلت : اسمها من تلات حروف
اولها ميم
قالت : ذكرها ربى فى توراه وإنجيل وقرآن
قلت : وتانيها صاد
قالت : هى اول من عرف توحيد رب العباد
قلت : وتالتها راء
قالت : دفن بها سيدنا الحسين ابن الزهراء 
حفيد رسول رب العالمين
وفى ختام الكلام
سمعنا صوت بينادى 
صلوا على الهادى نبينا الزين