وبكتبلك عن الإحساس جوايا 
وفرحة قلبي لما بتبقي ويايا
ودقاته وتنهيدي 
يا قمري وشمسي وسمايا 
بحس كأني في الجنة
عايش فيها وبتهنا 
وماده اديكي تناديني 
وراسمه ع الكفوف حنة 
بحس كأني طير طاير 
مرفرف في السما حاير
شايل قلبه علي جناحه
ومن فارحه بقا قادر
يعدي جبال يعدي بحور
ويهرب م الظلام للنور
يهد قصاده اي سدود
مهو بحبك بقا منصور 
وبنسا الكون وبنسا الناس
ومش شايف غير انتي وبس
يا مالكه القلب بالاحساس 
وعاشق فيكي حتي الهمس
بحس بضمة من حضنك 
وكلي يميل علي قلبك 
ودقاته تزلزلني 
تخليني اسير حبك 
يفوت الوقت ما بينا 
ومنحسش 
واحايلة واقوله استني 
وميحنش 
وعيني تنام لكن قلبي
هناك عندك 
مهو سابني ومش ذنبي 
سكن قلبك 
ودا احساسي يا عمري
بسبب حبك