لو انت فاكره في بعادك
راح اموت
زيدي كمان لو تقدري
زي خيوط العنكبوت
كنت ياما كنت
وزي ماكنت
هرجعك تاني التابوت
زي ماعلمتك تعشقي
وعلمتك كل المشاعر
والله لاعلمك
بس المره دي
هكتبك بحروف سكوت
مش مهم قلبي الصغير
هكسره
مش مهم عمري اللي الجي
اناممكن عشانك اخسره
مش مهم اي مشاعر
وهقولهالك كشاعر
لو ماتت حروفي فيك
معدش في الورق
شيء مهم نسطره
انا مش هموت
حتي لو حن ليك
وازاي يحن ليك
هو ايه 
شعور مؤقت
ولامحكوم عليه
عشقك مؤبد
ولا كان عاشق قرود
سيبك مني وعدي يلا
يامافي الضلوع حروف
مسموعه
ممنوعه
حتي لو معدومه صوت
مش هموت
ولو عايزه ترجعيلي
عيشي وجعي
جربي حب غيري
واتمني واحلمي
بس اقولك
هو فيه ميت بيرجع
بعد مايسكنه دود
ولا فيه مشاعر بتسمع
ولا ليها اصلا وجود
كل اللي في الصندوق هاتيه
حتي حرفي اللي عندك
قومي بسرعه رجعيه
حتي احساسي الجميل
اخنقيه
وان رفض انه يرجع
احرقيه
وان لقيته لسه شاري
عذبيه
واكسريه
اوعدك لو جاني تاني
والله عمري ماهشتريه
حتي في ندمه
لو عاش في حزنه
عمري ماهحس بيه