ميت الف بوسه لبو العروسه
ومنشوفوش أبدا فحوسه
زى الهرم ومحترم 
تقدر تقول عنوان كرم
بيمد إيدو الله يزيدو
ولو سأل سائل يفيدو
ترياق سموم شيال هموم
ونموذج نتمناه يدوم
لو كره عداه يبلغ مداه
خط الأخلاق ما بيتعداه
قليل الكلام يرمى السلام
منغير حكايات ولا أفلام
لو بص بصه لينا خاصه
النظره منو بتحكى قصه
حرب ومهوله يبان رجوله
رمز الشجاعه والبطوله
ميقولش بلاش وميتخلاش
وعلاج للجرح وقطن وشاش
الناس طلبوه علشان حبوه
دوروا فى الحى مالقيوا أخوه
ميت الف بوسه لبو العروسه 
ومنشوفوش أبدا فحوسه