أمرني الحب أحبك لقيت نفسي جريت عليك
وفتحت للهوي بابه واللي اتمنيته لقيته ودوبت فيك
لقيتك يآحبيبي احلي م الخيال اللي عيشت فيه
وأجمل من كل حلم حلمته او أتمني احلم بيه
واول ماشوفتك يآحبيبي حسيت بحبك وخطفت قلبي وشغلت بالي
وبان عليا حبك لكل حبايبي وصحابي
ومن فرحتي بيك يآعمري..
حسيت بنفسي طير وطاير في السمآ وما قدرت أخبي
قوللي يآحبيبي ع اللي في قلبك قوللي وفرح أوآم قلبي
ومتخلنيش اصحي يآحبيبي من أحلآمي
وخليني هيمآن علي طول في حبي وغرآمي
وتعآلي نتهني بحلآوة الحب وبلآش يآعمري لحظه منه نضيعه
ياما هربنا منه يآحبيبي من غير مآ كانت قلوبنا حتي تجربه
وشوف يآعمري قد إيه الدنيا جميله وفرحانه بينا
وبعد خصام سنين وسنين لينا رضيت علينا
وتعالي يادنيا حلوه بالفرحه فرحينا وزيني ليالينا
وهاتي الحب والهوي كله وأمانه توصفيله طريقنا
كفايه علينا اللي شوفناه واللي رآح من أيامنا
خلي قلوبنا تنسي الجرآح وبالحب والغرآم نتهني
قرب ليآ يآحبيبي وحبني ومن غير أي خوف اطلب واتمني
خلينا نعيش للحب ونفرح بيه وننسي عذابنا وعذابه
ده الحب نعيم وهنا لو عرفنا نصونه و ندق بابه
مكتوب عليا احبك يآحبيبي وتحبني وتبقي نصيبي
تعالي نجرب الحب يآحبيبي لما إيدك تلمس بس إيدي
وحِس يآ روحي بيها وف عنيا بُصّْ فيها
وشوف قد ايه فرحانه وسعيده بيها
وشوف الزهور قد إيه جميله ومعطره دنيتنا
وزهورها من فرحتنا مفتحه قبل أوانها
والنسيم جاي علينا متعطر يآحبيبي بعبيرها
وحياة الحب اللي انكتب علينا وجمعنا يآحبيبي ضمني ليك واوعدني
ماتبعد عني يوم من الأيام وتفضل صاين دايماً ودي
ياكل احبابي وصحابي وخلآني كنت فيين من زمان
خليني أنسي احزاني وحبك يدفي قلبي ويحسسني بالأمان
وسيبني اكتب لعيونك الحلويين احلي قصة غرآم
يرووها اهل الهوي بينهم ويتمنوها ولو في الأحلآم