مش كفايا ياقلبي طيبه وحنيه
طمعت حبيبي فيا وخليته تقلآن عليا
نقربله ونطلب رضاه وهو يتقل ويبعد
والنوع ده يآ قلبي فالحب عمره مآ رآح يسعد
لإمته يآ قلبي هنفضل نحبه ونخاف عليه
وهو قاسي علينا والحنيه مطمرتش فيه
ليه ياقلبي نصبر عليه وهو يعذبنا ويبكينا
بنتمناله السعاده وهو هوآه عمره ماگان لينا
ميال لغيرنا وباين فعنيه وشايفين بعنينا
مش فارقه معاه ولآ صعبان عليه الدموع تكوينا
علمنا السهر والنوح وحرم علينا النوم يآ قلبي
وهو مش مقدر لآ طيبه ولآ حنيه ولآ قادر يخبي
وكل ماشكيلك يآ قلبي عن عذابي وابكي
تصبرني بكلمتين وعن جماله تفضل طول الليل ليآ تحكي
واقول هتحمل مهما جري وعمري ماراح تاني اشكي
لما توعدني وتقوللي بكره هيحس بيا وبهوايآ
والقاه مش داري بيا ولآ حاسس بالنار بتاكل حشايآ
والاقي نفسي من كُتر ظلمه صعبان عليها حالي
من الحب إللي اول مره أحس بيه وكل ده منه بيجرالي
ويصعب عليا قسوته والقي القسيه زودت العذاب جوايآ
ومهما خبيت الحزن والألم يفضحني نوحي وبكايآ
وفات علي حبي وصبري عليه سنه وراها سنه
عايشه في عذاب مش عارفه أبقي فين منه يآ قلبي انا
وياهل تري افضل احبه وازيد في حبه واروح اترجاه
ولا انسي عذابه واحاول غصب عني يمكن اقدر في يوم انساه
وكفايه عليا اللي سببهولي من ألم وجراح
لما يآقلبي إديتني الأمل فيه صدقتك وخَليتني وراه سواح
كفايه عليا حيره وعذاب يآ قلبي دآ انا من كتر العذاب مليت
وهبدأ حياتي مع حد تاني واعمل نفسي خلآص نسيت
ومهما طال عليا الليل هتحمل واحبس جوايا همي ولوعتي
يمكن ييجي يوم ويجيني قلب طيب ياخدني من وحدتي
وسنين العشره تنسيني حبي الأولآني ولجرح قلبي يداويه
واقدر احب تاني لما الاقي اللي يِقَدَّرّْ حبي ويحتوي قلبي ويرويه
واقول لأهل الهوي الحب معاني جميله..إتخلق فقلوبنا وعمره ماگان لأول حبيب
ان كان أناني وغدار وقاسي وحبه جارح ومش وراه غير التعذيب
الحب للي يهتم بيه ويقدره ويوفي ليه ويعرف إزاي يراعيه
ويضحي علشانه ويخفف جراحه وينسيه ألآمه وبحبه وحنانه يسقيه