لما اشوف الحق باطل من حقي أعترض
ولما حقي يضيع قدامي ازاي أسكت وافترض
والظالم من كُتر ظلمه ياناس فينا
مش عارف علي فين بس راح يودينا
وناس ع المعاش فالكراسي لآزقين سنين
وابني عاطل بيبكي مسكين هيعيش منين
خلونا عايشين في دنيا شايفين النور ضلام
ومعدوم الضمير صبح مدير ومسئول من غير كلام
ومنافق ناهب حقي وسارق من ابني الأحلام
وخايب سابق زمانه ومش في مكانه وادولوا نيشان
والشريف فيكي يادنيا بيعاني الفقر و الحرمان
وشاطر للجاهل عايش مغلوب علي أمره ومرؤوس
واللي ضميره صاحي مطحون يادنيا فيكي بين التروس
وآدي حالنا يادنيا فيكي واكس وموكوس
دنيا غداره مقلوب حالها والضمير فيها نام
والشريف في الديون ياعيني عليه علي طول غرقان
والحرامي عايش في نعيم وف الخير عام
ومطبلاتي واكلها والعه وعند الكبار معروف
ومرتشي لَّعيب من غير مجهود بيكسب ألوف
دنيا مكاره والنضيف فيها وكّْلآه الديابه والوحوش
ومافيكي حَدّْ يادنيا شايفينه عن المظلوم بيحوش