-- أيووه ياناس ع الناس 

جرالها إيه مالها 
باعت ليه الإخلاص 
واشترت مالها 
-- شيلتو على راسى
وصوابعى قيدتها شمع
عدى وعمل ناسى
لما العيون فيها دمع
-- رد الجميل دا جميل
وكسر الخواطر ذل
عمرى بقول دا أصيل
واتاريه خسيس وأقل
-- يا دنيا مالك كدا
ناسك بقت ناكره
تديها من دا ودا
وتعمل مهش فاكره
-- طبعى كدا .. أدى 
واللى عطيتو يروح
صحيح على أدى
بس بحلاوة روح
-- صاحب دا كان صاحب 
والرجل شايلانى
دلوقت ليه ساحب
شافنى وانا بعانى
-- إشرب كباية الشاى 
مدام انتا متعشى
وابقى اتصل لو جاى 
وادينى فرصه امشى 
-- أيووه ياناس ع الناس 
جرالها إيه مالها 
باعت ليه الإخلاص 
واشترت مالها