جارى التحميل
استخدم زر ESC أو رجوع للعودة
شيئ جميل إنك تنسى
والأجمل منو لو تفتكر
أنا كل همسه فاكراها لسا
وأقدر أسمع لك واكر
- فاكره يوم موشوشتنى
فودانى قلت أنا بحبك
وفاكره ساعة مسألتنى
ياترى ليا مكان فقلبك
- وفاكره لما لمست شعرى
وقلت دا شعر وللا حرير
وفاكره لما لعبت بمشاعرى
وخليتنى فسمايا أطير
- فاكره ساعتها لابس إيه
لابس وش مكانش وشك
وش واحد تانى يا بيه
ومغطى على كدبك وغشك
- كان كل حاجه فيك بتكدب
حتى الزراير والبارفان
مثلت دور إنسان مؤدب
وتستحق لقب فنان
- كان فى حاجه فنظرة عنيك
معرفش ليه مخوفانى
وكنت حاسه فلمسة إديك
إنك مش انتا دا واحد تانى
- كنت حاسه بشيئ يحير
شيئ مش عارفه ألمحه
عملك ايه قلبى الصغير
عشان تيجى انتا وتجرحه
- تجربتي معاك علمتنى
مش أى كلام ممكن يمر
وعشان مقولش تانى ياريتنى
على كل حلو بقول دا . مر