نظرات

موقع اجتماعي سياسي و تربوي ونفسي يهتم بالطفل وتربيته وقصصه

                    

السلام عليكم

بجد انا محتاجة مساعدتكم اوى انا بحب زميل ليه فى الكلية هو بيحبنى من اربع سنين وهو من فترة جالى وصرح بشعوره وانة عايز يتقدملى رسمى اخر السنة دى بعد ما نخلص انا بصراحة حياتى العاطفية فارغة عمرى ما حبيت وبعد التفكير فى عرضه قبلت بس قولتله انى مش بكن ليك اى مشاعر ادينى فرصة اعرفك ولو اتحركت مشاعرى حقولك وطلبت منه انه يحجم من مشاعرة عشان لو محصلش نصيب ميكونش اتعلق بيا . انا لن اخبى عليكى ان مشاعر تحركت من ناحيتة وهو كلم مامتة واختة الكبيرة فى البيت وناقص ان باباه بس يعرف ويجى يتقدم بس للاسف فى مشكلتين اكتشفتها فية :


المشكلة الاولى - انة زى اغلب الشباب وللاسف بيشرب حشيش انا اول ما عرفت اتكلمت معاه وقولتله انى محبش ارتبط بانسان كده ولما اجيب اولاد منه ولادى يكبروا وهما بيشوفة بيشرب الحاجات دى هو طلع انسان حابب يتغير وقالى انا كمان مش عايز ولادى يطلعوا كدة وطلب منى انى اغيره وابعده عن الموضوع ده ، فى حاجة عنده موضوع الدين دة عنده على مزاجة يعنى هو شايف الحشيش مش حرام مع انه بيغيب العقل بس هو مش شايف كده


المشكلة التانية - ودى برضوا للاسف مشكلة فى الشباب كلهم المشكلة انه بيتجرء معايا فى الكلام وبيتكلم فى كلام سابق الاوان وهو بيقولى اعذرينى بس انا شاب قاعد لوحدى متغرب بسبب الدراسة ومحروم وشايف انه بيحبنى وعايز يحس بيا ، بصراحة انا خلصت كل حيلى معاة كل ما بفتح الموضوع ده وهو عارف انى مش بحب كده يا اما بصده ومره اناقشه بالمنطق انه لسه بدرى على الكلام ده ومرة اتخانق معاة المشكلة انا مش عارفة اعمل اية والمشكلة الاكبر انه لما بيطلب منى حاجات اقولها او اعملها وانا ارفض بيقولى انى مش بحبه لانى لو بحبه لازم احس بيه ولازم اريحه وبيتقمص ومش بيكلمنى بجد انا مش عارفة اتعامل معاه ازاى انا مش حابه اكون جريئة زيه عشان مش عايزة اعمل حاجة اغضب بيها ربنا ومش عايزة اظهرله بصورة انى مش بحبه ؟ ممكن تفيدونى وممكن تقولولى اغيره ازاى اخليه للاحسن يبطل حشيش والكلام الجرئ وكمان اخليه ينتظم فى الصلاة؟ الرجاء الرد بسرعة لانى بجد مش عارفة اعمل ايه؟

==== ==== ==   ===== ==  ==== === ==  ===== == = ==

أختى العزيزة


ارى من خلال رسالتك العديد من التساؤلات التى تدور كلها حول كيفية تغيير هذا الشخص .. وفى البداية اود ان اقول لك ان الزواج مشاركة ومسئولية وحياة بأكملها ستنشأ وسيولد ابناء وستصبحون قدوة لهم لذا يجب عليك حسن الاختيار من البداية .. فأنت كما تختارين زوج تختارين أب يصلح ان يكون قدوة حسنة وهذا الشاب كما تقولى فهو يتناول مخدرات بل والأسوأ من ذلك هو لا يعترف بأنها محرمة كما انه يريد ان ينتهك حرمات الله بدعوى انه شاب ويعيش بمفرده وانه يحبك ويريد ان يقترب منك اكثر .. فهل هذا يصلح ان يكون زوج واب .. اما مسألة انه يريد ان يتغير ويريدك انت التى تغيريه ربما يستخدم هذا الاسلوب حتى ينهى الكلام فى ذلك الموضوع وتصبح المسئولية عليك وحدك فى تغييره لانه لو كان صادقا فى رغبته فى التغيير لبدأ بالفعل فى ذلك دون ان يطلب منك فلا احد يستطيع تغيير أحد ولكن التغيير يأتى من الشخص نفسه لأن التغيير يحتاج لمجهود يبذله الشخص نفسه يببدا بشعوره بوجود مشكله او عيب لديه يحتاج للتغيير ثم العزم على التغيير ثم القيام بافعال تساهم فى التغيير فكيف اذن يريد هذا الشاب ان يتغير وهو لا يقم بأي خطوة من السابق ذكره وينتظر منك انت التى ستغيريه وكأنها قضيتك انت .. لذا لاتطاوعيه فيما يطلبه منك وقومى بتحذيره من ذلك وارى ان تعيدى النظر فى علاقتك بهذا الشاب فالحب لا يعنى تغييب العقل فهذا النوع من الحب لا يصلح لاقامة اسرة سوية وناجحة ولكنها عدة عوامل متداخلة من حيث الشخصية والمستوى المادى والفكرى والاجتماعى والثقافى والتعليمى بالاضافة الى الانسجام والقبول العاطفى .. كما اود ان الفت نظرك بأن ليس الشباب كلهم كذلك الشاب وانما يوجد شباب كثيرين صالحين ويخافون الله ويلتزمون بأوامره ونواهيه فلا تأخذين مبرر له بانه يفعل ذلك كباقى الشباب فلو كان يحبك ويخاف عليك فعلا ما فعل هذه التصرفات واذا كان يريد الارتباط بك بالفعل فسوف يغير من نفسه اذا اراد وينتهى عن المخدرات بمحض ارادته فالله لا يغير ما بقوم حتى يغيروا من انفسهم .. فاتقى الله وكونى قوية واثبتى على موقفك وابتعدى عن ذلك الشاب  واتركيه فورا قبل ان يتجرأ عليك اكثر من ذلك فأنت انسانة طيبة وتستحقين من هو افضل منه .. وحتما ستقابلين من هو افضل منه بإذن الله .

المصدر: واحة النفس المطمئنة
  • Currently 47/5 Stars.
  • 1 2 3 4 5
16 تصويتات / 821 مشاهدة
نشرت فى 6 يناير 2011 بواسطة nazrat

ساحة النقاش

محمدمسعدالبرديسي

nazrat
( نظرات ) موقع إجتماعي يشغله هم المجتمع سياسيا وتربويا بداية من الاسرة الى الارحام من جد وعم وخال الى آخره , الاهتمام السياسي أساسه الدين النصيحة و يهتم بالثقافةبألوانها ويعد الجانب النفسي والاهتمام به محور هام في الموقع كذلك الاهتمام بالطفل ثقافة وصحة »

ماذا تود البحث عنه ؟

تسجيل الدخول

عدد زيارات الموقع

616,825

مصر بخير

                         
* الشكر واجب للسيد العقيد هشام سمير  بجوازات التحرير , متميز في معاملة الجمهور على أي شاكلة ..

* تحية للمهندس المصري محمد محمد عبدالنبي بشركة المياه