السلام عليكم

فانا سيده متزوجة منذ 12سنه وأنجبت بنت تبلغ من العمر 10 سنوات وولد 4 سنوات ونصف ونعيش في ايطاليا ميلانو وكان كل اهتمامي بابنتي كل حاجه تحت أمرها وكل اللعب اللي في الدنيا كنت أحاول أعوضها عن الحرمان الذي عشته وكنا نكاد نكون أسره سعيدة و لكن أريد أن اعرف سيادتكم نبذه عن شخصيتي ولكنها سوف تكون نبذه طويلة شويه فانا منذ  صغري  تربيت علي العصبية والخوف من الأخطاء لان الأخطاء سوف تجلب لي الضرب و الاهانه والحرق بالسكينة والضرب بالخرطوم وعدم سماع صوتنا ولكن سماع أصواتهم فقط المهم حتى لا أطول عليك فأصبحت أنا وأخواتي معقدين نفسيا لان الأب عصبي ومتوسط التعليم والأم غير متعلمة ويعاملها زوجها بالضرب والاهانه و ليس هناك نوع من المودة ولا الرحمة وهي تستحمل عشان أولادها وعلي فكره إحنا 3 بنات المهم كان مبدأ الأب هو أن الحسنه تخص والسيئة تعم يعني لو أختي رسبت في الامتحان أنا أعاقب لأني أنا الأخت الأكبر والمفروض أنا أذاكر لها برغم من أن عندي مذاكرتي وكمان المفروض كل واحد مسئول عن أخطاؤه لكن عندنا لا أنا أعاقب برغم من نجاحي وبهذه التربية الصعبة تغلبت ونجحت وخلصت كليتي ولكن بداخلي غضب وكره يكفي لان يحرق العالم كله و ليس همي غيرالكره لهذه الظروف لأني اتحرمت من الحب لدرجه إني لما كنت برفض الأكل كان يحرقني بالسكينة ولسه معلمه في أيدي لغاية لدوقتي وكل حاجه بالعافية والأم كرهت نفسها بدأت تزيد في العصبية وعدم التفاهم لدرجه أني فكرت كتير في الانتحار ولكني شخصيه جبانة علي أن أقوم بذلك المهم  لو فكرت اللعب عيب أنا الكبيرة اضحك لا أنا الكبيرة حتى أخواتي بدأت اضربهم وأعلمهم الصح من الغلط لان أنا الكبيرة برغم من أنني اكبر بسنتين فقط المهم تكونت شخصيتي علي أن أكون شخصيه عصبيه تحب السيطرة و الاماره و أحب الكل في خدمتي عشان أنا الكبيرة و لا أحب أن اخدم احد الضحكة كانت بعيده عني قوي قوي والكبت والكره هم المسيطرين ولكن مع هذا كله كنت أقول أنا حينما أتزوج هعامل أولادي بمنتهي الحب والحنيه والهدوء لكن أزاي من شب علي شيء شاب عليه وتزوجت وسافرت وارتحت من هم العيله وربنا رزقني بزوج صالح وطيب وذو أخلاق حميدة لكن يا عيني عليه لو أتنفس معايا أتعصب عليه وازعق واخلي حياته سوده أصل أنا خايفه أحسن يعاملني زى ما كان بابا بيعامل ماما المهم و صلته لطريق مسدود لحد ما أتغير وأصبح عصبي وأصبح البيت مكان للخناق والزعل لان كرامتي عندي بالدنيا و مش عارفه اعمل إيه   ؟؟!!

مع إني عارفه إن ما فيش حاجه اسمها كرامه بين الراجل و زوجته لكن تقول لمين ساعة الغضب وكمان أنا عامله عمليه الغدة الدرقية والعصبية ملهاش حد معايه لدرجه ساعات مش بتحمل كلمه بطريقه مش هيه ، المهم المشكلة الاساسيه بعد هذا الكلام الطويل هي ابنتي فهي اصبحت كل شيء لي و خصوصا مكنش عندي غيرها لمده 6 سنين و كنت بدلعها اكتر من اللازم لدرجه أني كنت بشتري لها هديه كل يوم لحد ما اصبحت لا تفرح بأي شيء و بدأت المشكلة بيني وبينها حينما دخلت المدرسة فهي في مدرسه ايطالي وأنا مش فاهمه حاجه في المنهج الايطالي أنا كان عليه العربي وفي أستاذ للقران ومدرسه للايطالي ووأنا أراجع معها الايطالي وفي حدود ما أنا فاهمه ولقيت ابنتي إنسانه مستهترة وخطها وحش جدا ولا يوجد عندها نظام و كل ده مش عاجبني لأني تعودت علي أن كل شيء لازم يكون صح وعوزه كل حاجه عشره علي عشره وبدأت ازعق وأتعصب اكتر من الأول واضرب جامد و بشكل وحشي لحد تغيرت ملاكي الصغير التي كنت أظنها ملاك بدأت تكذب وتغش وتزور في نتائج الامتحانات حتى لا اضربها وتقلد امضائى وتزور في التقارير وأنا اضرب واضرب ولا استحمل غلطه وعصبيه وشده وعقاب لدرجه لما حرمتها من الفلوس سرقتني واشترت هيافات طبعا هي مش أشياء تافهة بالنسبة لها طبعا رجعت لها الفلوس

وعرفتها مخاطر ما تفعله من عقاب الله للسارق و الكاذب والغشاش وأن الرسول عليه الصلاة والسلام يقول من غشنا ليس منا وأصالحها وأقول مش هضربها تانى وبدأت بسياسة الثواب وليس العقاب بدأت تزور أيضا لكي تحصل علي الثواب و أن قلت مش هكلمها و اخصمها ولا بياثر فيها وممكن تعيش وحيده لعده أيام ولو حرمتها من حاجه تحبها مش مشكله ولا شيء بأثر فيها لدرجه أني بحس أنها بتحب الاهانه و الذل وما فيش حاجه بتتعمل إلا بشخط  لما بتترعب مني و خايفه مني على طول و أنا مش عارفه ازاي هرجعلها ثقتها في نفسها و ثقتها  فيه خلاص حصل جدار قوي بيني و بينها ومش عارفه ازاي  استطيع اهدمه اصبحت شخصيه جبانة وكذابة و مزوره في حاله الثواب والعقاب وكل لما أقول سياسة الحرمان ولا في دمغها وأنا حاسة بالذنب لأني السبب و ده يخليني اكره نفسي اكتر واكرهه بابا لأنه السبب زى ما أكيد بنتي بتكرهني دلوقتي وخصوصا أنا نفسي اربي صداقه بيني و بنها عشان إحنا في مجتمع له عاداته و تقاليده و لازم نحافظ عليهم والغريب في الموضوع إني أعامل ابني زى ما بعاملها لكن هو يرفض الاهانه و ينفذ اللي هو عوزه ، آه نسيت أقول لحضرتك أن بتي شاطره في التمثيل والدموع المزيفة مش بصدقها في حاجه خلاص بحس أن كلامها كله كذب أرجوك يا دكتور لو كان في أمل عوزه الحق نفسي والله أنا ذهبت لدكتوره نفسيه عشان أخد دواء يهديني لكن خفت استعمله أنا نفسي بنتي تكون إنسانه محترمه دى ممكن تطلع مزوره عشان توصل للي عوزاه و لو ممكن رقم التليفون بتاع حضرتك وأرجوك أريد أن تضع في الاعتبار فشل سياسة العقاب والثواب وشكرا جزيلا ، وأرجوكم وأتوسل إليكم أريد الحل في خطوات لان فهمي تقل من عزم اللي أنا فيه أي أن تقول لي اعملي واحد و اثنين كذا وكذا لا أريد كلام عائم ، أرجوكم كمان أريد كيف انمي ذكائها المحدود لأنها في سنه خمسه و تستطيع أن تجمع أم تطرح بشكل سليم و أنا أسفه لطول الرسالة و لكن نظرا لمدي خوفي و أرجوكم أريد الرد علي أن يرسل عن طريق البريد الالكتروني بتاعي حتى اضمن قراءته  ، ولكم عني جزيل الشكر فانا الأم الحائرة وأرجو العنوان حتى عندما انزل أجازه تانى إلي المركز لمعالجتها .

الأم الفاضلة :-

تعلمين تماما انك تجنين حصاد زرعك ولكن لا ترجعي كل ما صدر منك من أخطاء وسلوكيات غير متزنة إلي والدك أو والدتك وأسلوبها وطريقتها في التعامل معكم فأنت مسئولة تماما عن كل أفعالك ولن يتحمل غيرك نتائجها وها هي ابنتك أمامك لتذكرك دائما بتطرفك الشديد فى تدليلها وفي عقابها وعدم وعيك بكيفية معاملتها وها هو زوجك أيضا صار ضحية ثانية لأفعالك وعصبيتك الشديدة سيدتي يجب أن تكون هناك وقفة بينك وبين نفسك يجب أن تقوميها وتحاسبيها حتى لا تخسري حياتك وتعيشين بين حطامها تتجرعين الألم والندم كل دقيقة وأنا علي يقين انك تستطيعين تدارك الموقف مرة أخري فأنت لديك وعي شديد بمشكلتك وجذورها وبالتأكيد سوف تسعين بكل قوتك إلي حلها وابذلي كل جهد لتكتسبي ثقة زوجك وابنتك مرة أخري واعلمي أن الفرصة لازالت أمامك فلا تتركي أي وسيلة أو طريقة لكسب ثقتهم وودهم و تفاني في إسعادهم حتى تعيدي سعادتكم المفقودة مرة أخري وفقك الله لما يحبه ويرضاه وصرف عنك وعن أسرتك شياطين الجن والإنس .