ويوم 6 ف اكتوبرانا راح اطير

علي ابعد مدي فيكي يا دنيتنا

واقول مواويل

انا العاشق ومين قدي

وحب حبيبتي بيندي

غنا واشعار ولحن جميل

هغني رغم انف الغول

هنا واقف ومستني

يخش الليل علي ارضي

ومش شايف علي جبيني

ضيا الاناديل

لكنه لسا مستني عيوني تنام

عشان يدخل علي حلمي

يدس كابوسه في الاحلام

ويقهرني علي وطني

واعيش تايه بلا اوطان

لكن هيهات -- انا صاحي

يدوب حزني في افراحي

واحمل همي وجراحي

واعدي من سواد الليل

والحن كل يوم غنوه

في عشق مصرنا الحلوه

يلف حبها الدنيا

ويرجعلي ف وفاء النيل

ويوم 6 في اكتوبر ف عامي الجاي

هطير تاني

واحكي قصة الحلوه الي اسراني

لجيل معرفشي قصتها

وكيف المعجزه حصلت علي حدودها

وكيف عبرت -- وكيف صبرت

وكيف ردت كرامتها

مع التكبير

هناء حواس