في الحقيقة
في الحقيقة إن الحياة حلم وسراب
مش بتخلى من الآلام ومن العذاب
حبة تلاقي الشوق يكويني
وحبة اندهله ولا بيجيني
وحبة ذكرى تملأ كتاب
فين إحساس الناس بوجودها
ولا الحزن ده مال على عودها
نفسي في مرة أتلقى ردودها
ولا الفرع المايل شاب
فين الفرح إللي في لياليها
فين الحب إللي يدفيها
نايمة ومين إللي يصحيها
بخبطة قلب ولو ع الباب
أهي أيام بتعدي مسيرها
تعرف إيه بيخبي ضميرها
لسه بقولك كتر خيرها
مع إننا في الحق أغراب
لسه الأيام فيها وفيها
حتى الدمع مابيكفيها
آه لو تعرف إيه بعديها
ذي ماجيت هتروح لتراب.
بقلمي
