هي غير الناس:
يازينها من يجي طيفها وتهب الأنفاس
تشد حرفي وأكتب لها كل يوم قصيده
الصبح والمسا جوها وهي غير الناس
جوهرة لمعت في سماي وصارت فريده
صرت أناديها من داخلي وكل الاحساس
في حرفي ومعاني أبياتي وكل تغريده
لها عندي قانون جاذبية ودرجة ومقياس
يقيسها نبض قلبي وبالغلا هي وحيده
ريمتن خلت حالتي بين شرود ووسواس
وبالغلا والدلع ياويل حالي مهرة عنيده
ريح الوصل لها ومع كل هبوب ونسناس
شبيه صياد ماهر ويازينها من طريده
ليت الكلام يدوم وإن نشف حبر القرطاس
يكمله دمي والنفس مني دايم بكل تنهيده
نبت غصنها بالحشا ويازين هذا الغراس
يرتوي من شرياني ويلف وريدي وريده
علموه وهو داري أكثر من غيره نبراس
للحنين والشوق ورسالتي توصل بريده
لا يداني حالتي معاه كتاب ولا فكر وراس
يظل ماشي حرفي ويتعدى مجلة وجريده
أيام الصيام يفتر فيها حرفي والكاس
يشرب ريقي استغفار وحمد وآيات مجيده
الحمد لله دوم ومع كل همسة لساني ماخاس
يوصف حالي ولكن صلاتي وصيامي ماحيده
عودت خلي وناسي وأحبابي هذا الاحساس
لأجل يستمر حبل المودة ولزوم على أعيده
@عزالدين الحميري@
