قصيدة ( ارقيني يا اماااا )
عايز ارجع طفل تانى
وارمى راسي جوه حجرك
واتحامى من حر شمسي
جوه ضلك
وارمى كل هموم سنينى
ف قلب حضنك
تحضنى وجعى وأنينى
تاخدى حزنى من سنينى
وبحنانك تحتوينى
حطى إيدك يالاا يامااا
فوق جبينى
رتلى سورة ياسين
وحصنينى
وارقي بالمعوذتين
وفوقينى
وأما صدرى يضيق عليا
إقري يوسف لاجل
ما يزول اللى بيا
القرآن بصوتك إنتى
طعم تاني
يدخل القلب ف ثوانى
صوت حنان ماليان
خشوع
منه تنزل الدموع
راحة فوق الوصف ياماااا
تسلمى لى وتعيشى لى
وب رضاكي وب دعاكي
يرضى رب الكون عليا
يرضى رب الكون عليا
