الدايرة

عن الدايره اللى ساكنها ورافضه تلف

عن الشوق اللى مالكنى

وعن جرحى اللى مش بيخف

عن الايام وقسوتها 

وعن عمرى اللى عدى يلف

عن المااضى وايامنا

وعن حاضر بيقتل فينا احلامنا

وكانه بير ومش بيجف

عن ربطى ف الساقيه

وعيون كتير باكيه

وعن دمعى اللى ما بينشف

 وعن قلبى اللى من طيبته

ازاز بيشف

وعن حلمى على الايام 

وعمرى ما اقولها  اف

وعن اشياء كانت املى

وانشالت منى فوق الرف

وعن بنوته سهرانه وحيرانه

وكان نفسها يوم تنزف

وعن حبيبتى اللى تعبانى

وعن قلبى اللى بيعانى

وعن شرب المر بكعانى

ولولا الشوق لعنوانها

ما دار ولا لف

وعن عزفى على النايات

ولولاها ما كنت اعزف

 عن الدايره اللى ساكنها ورافضه تلف

وعن مسكين فنى عمره

بنى قبره

وحط على بابه فرع من السعف

وعن مسطول ومن همه 

وقع ع الارض 

ما لاقى يا عينى طريق مسعف

وعن خيانه صحاب اندال

ومن صحبتهم 

.لا.......... انا اشرف

وعن أخطائهم  واوزارهم

لسانى .....عف

وعن ملايكه ف شكل احباب

ولولاهم ما كنت اعرف

اعيش ايامى وسنينى 

وادوب واحتار ف تكوينى 

وحبس الدمع من عينى 

ولوعه فراقهم بيكوينى

يخلينى 

اغيب م الصف

 ودى الدايره اللى ساكنها ورافضه تلف

#صبرى جاب الله