أنا الإنسان
ياحتة شمع وكسوها
وانا عايش كِدا عِريان
مشاعرى ياناس بِتنسوها
مع إنّى أنَا الإنسان
ناس بفلوسها تتمنظر
حاطّينك هِنا منظر
أما أنا... فَ فِى النِسيان
أنا اللّى البرد يقتلنى
وكُل الناس بِتهملنى
نِفسى ف حُضن يقبلنى
والبس مِ الهدُوم ألوان
عاوز تُوب يغطّينى
عاوزُه حتى أىّ مَقاس
م البرد يقدر يحمينى
يسترنى عن عيون الناس
يكون قماشه عدل وحب
يكون مكان الجيب قلب
أما اللُون يكون حساس
نفسى أحس بِحنانكم
أعَشّش على أغصانكم
عاوز بعض إحسانكم
فى عز البرد انا بردان
مع إنّى أنا الإنسان
...................
قلم/ سيد عبدالوهاب
