حب لم يسبقه حب
========== عونى هسام
يا حبيبتى
يا اللى كنتى
من زمان
صوره بعينيا
الزمان
غير مسيرتى
ولسه عندى
دمعه باقيا
هابنى منها
وف ذاكرتى
اشوف ملامح
صوره جايه
بس اوعى
تكونى تهتى
عنى
وتزيدى الاسيا
هارسمك
بحروف قصيدتى
حرف شعر
وحرف تانى ملاغيه
انتى حب
العمر كله
اللى راح
حتى ايامى اللى جايه
واوعدك
ما يوم هاسيبك
مهما كان
ودا وعد ليا
بس ابدأ
رسمى فين
م الرموش
او م الايدين
او م الشفايف
بس خايف
اصل طول
عمرى حزين
من عنيكى
اه من عنيكى
نيلها
يروى العطشانين
من خدودك
دى حدودك
عليها حراس
سهرانين
الرموش
سهامها جارح
تخزى عين
الطمعانين
طب قوليلى
ارسم منين
م الشمال
ولا اليمين
ارسمك
فى شمس حاميه
فيها جهد
العرقانين
وارسمك
فى ليله صافيه
ويا قمر
السهرانين
انتى فين
قولى ملامحك
انتى مين
وباى دين
جاتنى
وباحلى ابتسامه
انا مصر يا ضى عينى
ادخلونى امنين
=============
#عونى_هشام
