( نية سماح ) ونعصر م الكرب الشديد حكمته نمسح بشوية سماح٠٠٠ السواد ليه عايشينها تمللي بالمقلوب وطبع الأنا فينا هو اللي ساد ونقطة سودة بتمدد حبرها تطمس معاني الراحة والوداد جمع حبرك من تاني وانقشه واكتب بخط جميل بالرقعة أو بالنسخ ( لإمتى ح افضل مسخ؟ ) راح افتح للجمال دراعيني بالبسمة والكلمة والضحكة راح تملى عيني وتنوَّر الضلمة إيه بس راح ناخد م الغل والتكشيرة ؟! والقلب لو حَامِد يمضي الهنا٠٠ تأشيرة ونفتفِت الأحزان ونخفِّف الأوزان ونلملم اللي فات وف عقدنا نضُمُّه دا اللي سَبَقنا رُفَات والطين أهو ضَمُّه طب يبقى ليه مَنشُفش ف العيشة حلاوتها ؟! نهر الحياة مَنشِفش ورغم قساوتها فيها كتير أفراح ف الجاي أو ف اللي راح فتح عنيك تلاقي الضيق بعده البراح اغسل وشك وفوق وانوي نية سماح تلاقي روحك بترسم بدل الأشواك تفاح #عصام_فؤاد
عدد زيارات الموقع
85,205