جارى التحميل
استخدم زر ESC أو رجوع للعودة
عصر المحبة انتهى ...
***
من كلمات
**
الطبيب الشاعر المصرى/ د.محمد رزق
*
قال الوتر للعود : ممكن تغنيلى ..؟
لحن الصفا والوفا والحب من جيلى
العود سكت ..؛ بَـصِّــلوا .. والدمع ف عيونه
قال : الآهات كلها من طول سواد ليلى
*
عصر المحبة انتهى مش باقى غير آهة
لِـف القلوب كلها بالحب واتباهى
وان يوم لقيت الهوا .. دَوَّر فِ مضمونه
حتلاقى حيرة وألم والفرقة نداهة
*
باكى الوتر والـبُـكا ، حَـنِّـن فؤاد العود
حس الوتر وابتدا ، لجل الزمن مايعود
داب الوتر بين ايديه ، واحلوت الأنغام
عاد الوتر يبتسم ، قدم لعوده ورود
*
ياسعده مين يشتريك ياقلبى ويغنى
ياخد معاك مهجتى يتحط فى الننى
يرجع معاك بالزمن للحب وسنينه
أيام ماكان الوتر بالعشق متحنى
*
تحياتى وخالص محبتى لقلوب تعيش بالحب وتلتقى عليه ...
الطبيب الشاعر المصرى/ د.محمد رزق
*
المصدر: محمد الطيب
(مجلة عشاق الشعر)(1)(ممدوح حنفي)
ساحة النقاش