مجلة عشـــاق الشعـــر الإلكترونية (ممدوح حنفي)
بمسح كل يوم دمعه
وعايش قلبي كله دموع
وأعاتب روحي لو سامعه
قلب يقول أنا موجوع
..............................
بَحُطْ نفسي في مكانه
وبتمرمغ في أحزانه
وبسمع شكوته ليا
وداري دموعي علشانه
...............................
بضحك بس من بره
وعارف دمعته مُره
وعشان جربت أنا قبله
هسيبه يقول ٢٠٠مَره
...............................
وأيه يعني أنا قبله
بكيت وكنت محتاجله
لكن قدري اكون وحدي
وقدره إن أنا أقابله
...............................
بزعل لما يسمعلي
ويرجع يبكي ع الفاضي
ولما دمعه يوجعني
بلاقيني بكون قاضي
وبحكم بس لو يسمع
وعارف كلمتي بتوجع
لكني حريص عشان خاطره
أقول الحق لو يوجع
بقلم / عصام دويدار
ساحة النقاش