مجلة عشـــاق الشعـــر الإلكترونية (ممدوح حنفي)
***خرّاط الصبايا..!!***
..
"عدّا خرّاط الصبايا ع البِنيه "
اللّى كانت من يومين إتنين يدوب
عَمله قُصه وجوز ضفاير...
اللّى كانت لمّا تتكلم تلاقى
الحروف فيها عِيوب
والجُمل لِسه بَشاير...
..
"عدّا خرّاط الصبايا ع البِنيه "
غَيّر التشكيل بتاع كُل الحروف...
أَصبحت "مِيرسى " و "سُورى "
_ والكلام بالعربى _
دا حَسب الظروف...
" والمِحزق " " والمِلزق "
واللّى مُش بيشوف....يشوف...
والعينين مَرسومه دايماً
"كُحل ...حَامى "
والإيدين فيها نَقش حِنه
" أصلى ...شَامى "
والشفايف لونها أحمر إنجليزى
ليها ضحكه صوتها عالى
مَعدش خُوف..أو كِسوف...
..
"عدّا خرّاط الصبايا ع البِنيه "
شافِت الدنيا فى عينها
لونها زاهى ... ونرجسيه...
سِمعت الكلمه بِودانها
بنت _ قشطه _ مهلبيه...
واللّى فى البيت كُله تايه
" أب " كُل حياته شُغلُه
" وأم " مَبتعرفش معنى المسؤليه..
..
"عدّا خرّاط الصبايا ع البِنيه "
بعد يوم ...إتنين ...تلاته
كُنّا هنقول .....
دى بقت أحلى صبيّه..!!
عدّا خَلاها " وليّه "...
.........
#سمير_شومان
ساحة النقاش